Бұл туралы «ҚазАвтоЖол» ұлттық компаниясы хабарлады.
Шектеу мерзімі мен температуралық межелер
Аталған шектеулер жаз мезгілінде жол жабындысын ауыр техниканың зақымдауынан қорғау мақсатында енгізіледі. Шектеу тек ауа температурасы +25°C-тан асқан күндізгі уақытқа қатысты қолданылады.
-
Оңтүстік және батыс өңірлерде шектеу 1 маусымнан 31 тамызға дейін жалғасады.
-
Солтүстік және шығыс өңірлерде — 1 маусымнан 15 тамызға дейін.
Өңірлер бойынша қозғалыс шектеу кестесі
1 маусым – 31 тамыз аралығы, сағат 10:00-ден 22:00-ге дейін:
-
Алматы облысы
-
Атырау облысы
-
Жамбыл облысы
-
Жетісу облысы
-
Ұлытау облысы
-
Қарағанды облысы (кейбір учаскелерде)
-
Қызылорда облысы
-
Түркістан облысы
-
Маңғыстау облысы
1 маусым – 15 тамыз аралығы, сағат 11:00-ден 21:00-ге дейін:
-
Абай облысы
-
Ақмола облысы
-
Ақтөбе облысы
-
Шығыс Қазақстан облысы
-
Батыс Қазақстан облысы
-
Қарағанды облысы (басқа учаскелерде)
-
Қостанай облысы
-
Павлодар облысы
-
Солтүстік Қазақстан облысы
Шектеу не үшін қажет?
Маусымдық шектеулердің басты мақсаты – жол сапасын сақтау. Жазғы ыстықта асфальт жабындысы ауыр техниканың салмағына шыдамай, бүлініп кетуі мүмкін. Соның салдарынан жолда жырықтар, шұңқырлар мен ойықтар пайда болады, ал бұл кейінірек жөндеу жұмыстарына кететін шығынды еселей түседі.
Салалық мәселелер: сенатор пікірі
Алайда мамандардың айтуынша, мұндай маусымдық шектеулер жол саласындағы жүйелі мәселелерді толық шеше алмайды. Бұл жөнінде сенатор Әлібек Наутиев те пікір білдірді. Ол Көлік министрлігінің ресми статистикасына күмән келтірді.
– Министрлік мәліметінше, жергілікті маңыздағы жолдардың 89%-ы стандарттарға сай. Бірақ халықтан келіп түсіп жатқан шағымдар бұл дерекке күмән келтіреді. Бірізді жөндеу әдістемесі қолданылғанымен, өңірлердегі жол сапасы әртүрлі деңгейде, – деді сенатор.
Депутаттар не ұсынады?
Жол сапасы туралы нақты мәлімет алу және жөндеу жұмыстарына қаражатты тиімді бөлу үшін Наутиев барлық жергілікті жолдарға кешенді диагностика жүргізіп, техникалық паспорт жасақтауды ұсынды. Бұл қадам:
-
Жол жабындысының тозу деңгейін нақты анықтауға,
-
Тиісті жөндеу технологиясын таңдауға,
-
Жаңартылған жолдың қызмет мерзімін болжауға,
-
Және бюджет қаражатын ұтымды пайдалануға мүмкіндік береді.
