Атом энергиясы жөніндегі агенттіктің мәліметінше, АЭС құрылысы 2035–2036 жылдары аяқталады деп жоспарланып отыр.
«Әлемдік тәжірибе көрсеткендей, атом электр станциясын жобалау, салу және пайдалануға беру үдерісі орта есеппен 10–12 жылға созылады. Осыған сәйкес, Қазақстанда салынатын АЭС-тің құрылысы да 2035–2036 жылдары толық аяқталады деп күтілуде», – делінген агенттік хабарламасында.
Агенттік атап өткендей, жобаны жүзеге асыруда серіктес ретінде қарастырылып отырған «Росатом» мемлекеттік корпорациясы бұл мерзімдерге қатысты өз дайындығын растаған.
Қазақстанда АЭС салу мәселесі соңғы жылдары қызу талқыланып келеді. Энергетика министрлігінің мәліметінше, болашақ станцияның орналасатын жері ретінде Алматы облысындағы Үлкен ауылы қарастырылуда.
Дереккөз: stan.kz
