2025 жылдың алғашқы бес айында Қазақстанда 23,8 мың тонна балмұздақ пен тағам ретіндегі мұз өндірілген. Бұл көрсеткіш өткен жылдың сәйкес кезеңімен салыстырғанда 17,1 пайызға артық.
Импорт көлемі және елдер тізімі
2025 жылдың қаңтар–сәуір айларында Қазақстанға 3 мың тонна балмұздақ импортталған. Сырттан әкелінген өнімнің ішкі нарықтағы үлесі — 15,4 пайыз.
Балмұздақ әкелінетін негізгі елдер:
-
Ресей — 1,5 мың тонна
-
Қырғызстан — 1 мың тонна
-
Түркия — 0,3 мың тонна
Сондай-ақ балмұздақ Өзбекстан, Швейцария, Беларусь және Италия елдерінен де жеткізілген.
Экспорт өсімі және бағыттар
2025 жылдың алғашқы төрт айында балмұздақ экспорты 41,6 пайызға артып, 4,3 мың тоннаға жеткен. Қазақстандық өнім негізінен ТМД елдері мен Қытайға жөнелтілген.
