Бұл туралы «Қазгидромет» РМК мәлімдеді, деп хабарлайды 7-su.kz ақпараттық порталы.
Қатты ыстық пен өрт қаупі
Қызылорда облысында күндіз ауа температурасы 46°C-қа дейін жетеді. Облыстың солтүстігі мен орталығында шаңды дауыл тұрып, желдің екпіні 20 м/с-қа дейін күшейеді. Өрттің төменгі және төтенше қаупі сақталады.
Жамбыл облысында 42°C, Абай, ШҚО, Павлодар, Қарағанды, Ұлытау, Ақмола облыстарында 35–39°C аралығында ыстық болады.
Атырау, Ақтөбе, Маңғыстау, Батыс Қазақстан, Қостанай, Ұлытау, Ақмола облыстарында да жоғары және төтенше өрт қаупі сақталады.
Дауыл, бұршақ және найзағай
Ақмола, Батыс Қазақстан, Солтүстік Қазақстан, Қостанай облыстарында найзағай, бұршақ және дауыл болады деп күтілуде. Желдің екпіні 25–28 м/с-қа дейін жетуі мүмкін.
Астана, Көкшетау, Орал, Петропавл қалаларында да найзағай, бұршақ және дауылды жел болжанған.
Шығыс Қазақстан, Қарағанды, Ақтөбе, Ұлытау облыстарының кейбір аудандарында найзағай мен қатты жаңбыр күтіледі.
Шаңды дауыл мен тұман
Қызылорда және Маңғыстау облыстарының солтүстік және орталық бөліктерінде шаңды дауыл соғады.
Қостанай мен Батыс Қазақстан облыстарының кей жерлерінде түнде және таңертең тұман түсуі ықтимал.
Желдің күшеюі
Ақмола, Қарағанды, Ұлытау, Жетісу облыстарында жел екпіні 20–23 м/с-қа дейін күшейеді.
