ҚР ҰҚК Шекара қызметі Жетісу облысы бойынша департаменті Қорғас шекаралық бақылау басқармасында офицерлерге кезекті әскери атақтарын табыстау рәсіміне арналған салтанатты шара ұйымдастырылды.
Шараға басқарма басшылығы, жеке құрам өкілдері мен ардагер шекарашылар қатысты. Салтанатты жиын барысында Қорғас шекаралық бақылау басқармасы басшылығы офицерлерді жаңа әскери атақтарымен құттықтап, олардың қызметтегі жоғары жауапкершілігі мен Отан алдындағы адал еңбегін атап өтті.
Жаңа әскери шен иелеріне сәттілік тілеп, еліміздің шекарасын қорғау жолындағы еңбектеріне табыс, қызметтеріне абырой, отбасыларына амандық пен бақыт тіледі.
Іс-шара соңында офицерлерге салтанатты түрде әскери атақтары мен тиісті белгілері тапсырылып, естелік суреттерге түсу рәсімі өтті.
ҚР ҰҚК Шекара қызметі Жетісу облысы бойынша депаратаменті
