ҚР ҰҚК Шекара қызметінің Жетісу облысы бойынша департаментіне қарасты Панфилов ауданы шекара басқармасының Әйелдер кеңесінің мүшесі, кіші сержант Д. Иманбаева шекара бөлімшелеріндегі әскери қалашықтарда тұратын шекарашылардың отбасыларымен кездесулер ұйымдастырды.
Кіші сержант Д. Иманбаева «Іле», «Қарақұм», «Ынталы», «Қорғас», «Басқұншы» және «Алмалысу» шекара бөлімшелеріне арнайы барып, сол жерлерде тұратын әскери қызметшілердің отбасыларының тұрмыс-тіршілігімен танысты. Ол жанұя мүшелерінің хал-ахуалын, бала тәрбиесі мен білім алу жағдайларын, сондай-ақ әлеуметтік қолдаулардың уақытылы көрсетілуін назарға алды.
Әсіресе, әйел-аналардың күнделікті өмірі, олардың әлеуметтік-тұрмыстық қажеттіліктері мен балаларының тәрбиесі – кездесулердің негізгі өзегі болды. Мұндай шаралар шекара қызметі өкілдерінің отбасыларына көрсетілетін жан-жақты қолдауды күшейтіп, әскери ортадағы отбасы институтының маңызын айқындай түседі.
Әйелдер кеңесінің бұл бастамасы шекара қызметінде қызмет ететін әскери қызметшілер мен олардың отбасылары арасында өзара қолдау мен бірлікті нығайтып, ұжымдық рухты көтеруге бағытталған игі іс-шаралардың біріне айналды.
ҚР ҰҚК Шекара қызметі
Жетісу облысы бойынша департаменті
