Мамандардың мәліметінше, Талдықорған қаласы бойынша әр жылы 350-ге жуық люк шұңқырына көтеру жұмыстары жүргізіледі. Сол үшін қалқымалы қақпақтар – өте қолайлы әрі үнемді. Бүгінде мұндай люктер Еуропа мемлекеттерінде және еліміздің ең ірі қалаларында кең қолданыста. Егер сынақ оң нәтиже берген жағдайда, келер жылы қаладағы орташа жөндеу жұмыстары жүргізіледі деп жоспарланған 10 көшеге дәл осындай заманауи қақпақтар орнатылмақ.
– Қалқымалы люктердің басты ерекшелігі – жол жабындысымен бірге қозғалып, шұңқырдың пайда болуын тежейді. Бұл бюджет қаражатын үнемдеуге және жыл сайын қайталанатын жөндеу жұмыстарын болдырмауға мол мүмкіндік береді. Ал Гагарин көшесінде басталған бұл жұмыстар шілде айының соңына дейін толық аяқталатын болады»,– деді Талдықорған қаласы әкімінің орынбасары Қуаныш Бақытұлы.
Айдын КӘЛІМХАН
