«Plameal» ЖШС уақыт өте келе нарықтағы өзгерістерге бейімделіп, өндірісін кеңейте білген бірегей компания. Сөйтіп, олар тамаша мүмкіндіктерді тиімді пайдалана отырып, дамуға бет алып келеді.
Компания құрылыс индустриясындағы өзгерістерге де шыдас беріп, өсіп-өрлеу үстінде. Өнім сапасы мен инновацияға да ерекше мән береді. Бүгінде серіктестіктің бизнес саласында 10 жылдық тәжірибесі бар. Өндіріс орнында металл плиткалары мен шифер, пластикалық есік-терезелер мен жақтаулар, арматуралық тор, басқа да құрылыс бұйымдары шығарылады. Тынымсыз еңбек пен сапалы өнімдердің арқасында жоғары сенімге де ие.
Сондай-ақ, олардың өнімдері тек сапа тұрғысынан ғана емес, дизайндік үлгімен де заманауи талаптарға жауап береді. Металл плиткалары эстетикалық әртүрлілігімен де ерекшеленеді. Сондай-ақ, тұтынушылардың өнімдерді таңдауына мүмкіндік зор. Өндірісті кеңейту және жаңа өндіріс ашу – компанияның өсуге ұмтылысын білдіреді.
Осы ретте «Қазақстан Халық Банк» АҚ несиесін пайдалана отырып, «Даму» қорының «Бірыңғай кешенді бағдарламасы» шеңберінде субсидиялау құралы бойынша несиесінің пайыздық мөлшерлемесі жылдық 8% — ға дейін төмендетіліп, кепілдік берілді.
Несие бойынша төмендетілген пайыздық мөлшерлемені пайдалану компанияға қаржылық тәуекелдерді азайту, даму, жағдайды жақсарту және өндіріс көлемін ұлғайтуға жол ашады. Яғни, бизнестің өрлеуіне нарықта жаңа мүмкіндік сыйлайды.
Айгүл БАЙБОСЫНОВА
Талдықорған қаласы
