2025 жылғы 4 шілде күні 5571 әскери бөлімінің жеке құрамымен мәдени-демалыс орталығында Ұлттық домбыра күніне орай “Бір күй – бір жүрек. Ұлттық ұлан үні!” атты салтанатты шара ұйымдастырылды.
Іс-шараның басты мақсаты — ұлттық құндылықтарды дәріптеу, жас ұрпақтың рухани тәрбиесін нығайту және күй өнері арқылы патриоттық сезімді ояту болды.
Мерекелік кешке Қазақстан Республикасының еңбек сіңірген қайраткері, күйші-композитор Шаштайұлы Дүйсебай, Абай атындағы Қазақ ұлттық педагогикалық университетінің түлегі Нұрмаханбет Нұрдаулет, сондай-ақ “Learn kids” оқу орталығының түлектері, келісімшарт бойынша әскери қызметшілер мен олардың балалары қатысты. Олар ұлттық музыкаға деген сүйіспеншілікті күй өнері арқылы жеткізіп, өз өнерлерін көпшілікке паш етті.
Домбыра үнімен көмкерілген кеш қатысушылардың жүрегінен орын алды.
Шара соңында барлық өнер көрсеткен қатысушыларға бөлім командирінің атынан алғыс хаттар табысталды.Бұл марапат — олардың өнерге деген құрметі мен үлесіне берілген зор баға.
