Облыс әкімінің орынбасары Диас Есдәулетов «Витебскідегі Славян базары» фестивалінің Гран-при иегері Алмагүл Батталиеваны арнайы қабылдады.
Жалпы соңғы он жылда «Славян базары» байқауына қатысқан қазақстандық әншілердің ішінде үш өнерпаз бас жүлдеалған екен. Соның біреуі – әлем таныған Димаш Құдайберген болса, екеуі – біздің Жетісудан шыққан өнерпаздар. Атапайтқанда, 2021 жылы Рухия Байдүкенова болса, биылғы жеңімпаз Дәнеш Рақышев атындағы облыстық филармонияның әншісі Алмагүл Батталиева. Бұл – күллі қазақ үшін үлкен мақтаныш.
Диас Рахметұлы Жетісу жеріне Белоруссиядан үлкен жеңіспен оралған жас әншіні марапатымен құттықтап, облыс әкімі Бейбіт Исабаевтың «Құрмет» грамотасын табыс етті.
– Жетісу жері ежелден-ақ таланттарға бай. Осы өңірден шыққан Зейнеп Қойшыбаева, Нұрғали Нүсіпжановтар ән өнерінде өзінің қайталанбас қолтаңбасын қалдырды. Алмагүлдей дарынды жастарымыз жаңа заманға сай сол алдыңғы толқын өнерпаздардың жолын жалғап келе жатқаны қуантады. Біз әрқашан мәдениет саласына, талантты жастарға қолдау көрсетеміз. «Витебскідегі Славян базары» халықаралық байқауындағы Гран-При жүлдесі құтты болсын. Бұл – Жетісудың ғана емес, тұтас Қазақстанның жеңісі. Жұлдызыңыз жарық болып, өнеріңіз өрлей берсін. Жетісу жерінің мәдениеті мен өнерін дамытуға үлес қоса беріңіз, – дептілегін арнады.
Туған жердің құрметіне бөленген жас талант Алмагүл Қайратқызы байқауғақатысуға қолдау білдірген облыс әкімдігіне, облыстық мәдениет, архивтер және құжаттама басқармасына, Дәнеш Рақышев атындағы облыстық филармонияныңұжымына алғыс айтты.
– Бұл жеңіс – баршамызға ортақ. Таңнан әуежайдан түскелі құрмет пен қошеметке бөленіп жатырмын. Талдықорған қаласының кіре берісінен облыстық мәдениет, архивтер және құжаттама басқармасының басшысы Қуаныш Сұлтанұлы бастаған алтын ұжымым күтіп алды. Дәл осындай құрмет көрсетіледі деп ойламадым. Қуанышқа ортақтасып, ниеттес болып жатқандарыңызға мың да бір рахмет, – деді Алмагүл Батталиева.
Қабылдау соңында облыс әкімінің орынбасары әншіге гүл шоғын және ақшалай сертификат табыс етті.
Еңлік КЕНЕБАЙ
