Аймақтық мәдени жаңғыру
Облыс құрылған уақыттан бері өңірде бірқатар мәдени нысандар бой көтеріп, ел есінде қалар игі бастамалар жүзеге асты. Талдықорған қаласында Ұлы Абайға ескерткіш орнатылып, Халық суретшісі Әбілхан Қастеевтің, Халық артисі Бикен Римова мен екі мәрте Социалистік Еңбек Ері Нұрмолда Алдабергеновтің бюстері қойылды.
Сонымен қатар Жетісу облыстық филармониясына Қазақстанның Халық әртісі, әнші-композитор Дәнеш Рақышевтің есімі берілді. Өнер иесі тұрған үйге ескерткіш тақта орнатылды. Облыс тарихында алғаш рет эстрадалық-симфониялық оркестр құрылып, мәдени өмірге жаңа серпін берілді.
Мәдени инфрақұрылым жаңғыруда
Соңғы үш жыл ішінде өңірде 7 ауылдық мәдениет үйіне күрделі жөндеу жүргізілді. Сонымен қатар Қаратал ауданының Кәлпе, Алакөл ауданының Ақжар және Ескелді ауданының Қаратал ауылдарында жаңа мәдениет үйлері салынды.
8 ауылда (Ескелді ауданы – Қоңыр, Жалғызағаш, Ақын Сара; Қаратал ауданы – Ескелді, Жаңаталап; Кербұлақ ауданы – Қоянкөз, Шұбар; Көксу ауданы – Мұсабек) блокты-модульді клубтар орнатылып, халықтың игілігіне берілді. Бұл жобалардың бірі алғаш рет Ескелді ауданының Қоңыр ауылында іске асырылды.
– Өзім ауылдық мәдениет үйінде жұмыс істеп, зейнетке шықтым. Он жылдан аса уақыт бойы мәдениет үйі болмағандықтан, мектептің акт залын пайдалануға мәжбүр болдық. Өткен жылы жаңа жылы модульді клуб салынды, қазір онда түрлі үйірмелер жұмыс істейді. Ауыл халқы мәдени шараларға белсене қатысады, – дейді ауыл тұрғыны, зейнеткер Қанат Күдербаев.
2025 жылы облыс көлемінде тағы 9 мәдениет үйінің, 1 аудандық кітапхананың құрылысы жүргізілуде. Сонымен қатар 2 ауылдық мәдениет үйіне күрделі жөндеу жұмыстары қолға алынған.
Ұлы Жеңістің 80 жылдығына арналған бастамалар
Ұлы Жеңістің 80 жылдығына орай Жетісу өңірінің соғыс ардагерлері туралы «Ұрпаққа ұран болған Ұлы Жеңіс» атты жинақ жарық көрді. Бұған қоса, облыс аумағындағы Ұлы Отан соғысына қатысқан ардагерлерге арналған 112 ескерткішке ағымдағы жөндеу және абаттандыру жұмыстары жүргізілді.
Бүгінде Жетісу облысында 315 мәдениет және архив мекемесі халыққа қызмет көрсетіп отыр.
Жетісу облысы әкімінің баспасөз қызметі
