28 маусым – Бұқаралық ақпарат құралдары қызметкерлері күні қарсаңында Парламент Сенатында «Парасат» байқауы қорытындыланып, үздік журналистер марапатталды. Палата төрағасы Мәулен Әшімбаев құттықтап, жүлде тапсырғандардың қатарында әріптесіміз, облыстық «Jetіsý» газетінің тілшісі Гүлжиған Тұрсынова да бар.
Еліміздің, аймақтың әлеуметтік-экономикалық даму көрсеткішін айшықтап, толғақты мәселелердің шешімін қарастыру мақсатында жазылған әрбір мақаласы үшін жаны ауыратын әріптесіміздің Елорданың төрінен марапат алуы біз үшін зор мақтаныш.
«Мерзімді баспасөздегі үздік материал» аталымы бойынша өзгелерден оқ бойы озып шыққан әріптесіміз Жетісу облысына іссапармен келген Сенат депутаттарын алаңдатқан мәселелерге дер кезінде назар аудартып, өзекті тақырыптарды ашуымен ерекшеленеді. Оның жазған мақаласына байланысты жергілікті билік шешім шығарып, қоғамда кемшін түскен тұстарды түзеткен еді.
Әріптесіміз, қаламы қарымды журналист Гүлжиған Мұқашқызына шығармашылық табысы тасқындап, әрқашанда биіктен көріне беруіне тілек білдіреміз.
Марапатыңыз құтты болсын!
«Жетісу Медиа» МКК және облыстық
«Jetіsý» газетінің ұжымы
