Жетісулық бапкер Жангелді Ахметов жаттықтыратын 19 жасқа дейінгі Қазақстан қыздар құрамасының барлық боксшысы алтын алды. Бұл жөнінде бапкер: «Келген 12 қызымыз да жеңіске жетті. Айтқан тапсырма толығымен орындалды. Спортшыларға ризамын. Тарихта бірінші рет келген боксшыларымыздың барлығы алтын алып отыр. Бүгінгі жеңісі арқылы олардың ересектер қатарына қосылуға дайын екендіктерін және лайықты ізбасар болатындығын байқатты. Осы жарысқа жас қыздарды да көптеп қосуға тырыстым. Бұл қадамды келесі жылы болатын Әлем чемпионатына дайындық деп қарастырсақ та болады» дейді. Ел мерейін өсіріп, абыройын арттырған Айым Тәңкібаева (48 келі), Сила Биболсынқызы (50 келі), Рахмина Абдумежитова (52 келі), Жанель Имантаева (54 келі), Ақнұр Тұрсынғали (57 келі),Толғанай Қасымхан (60 келі), Алина Құдайгенова (63 келі), Ақбота Есімбекова (66 келі), Мария Сидоренко (70 келі), Зарина Толыбай (75 келі), Құралай Егінбайқызы (81 келі), Сабина Жақсылық (+81 келі) алтын алды.
Ал ерлерден 11 боксшымыз финалға шығып, 10 спортшымыз чемпион атанды. Нұрхан Құмарбеков (48 келі), Досымжан Таңатар (51 келі), Алдияр Бахадүр (54 келі), Нығман Нығмет (57 келі), Әділет Тортубек (60 келі), Мұхит Нұрқабылұлы (63.5 келі), Сұлтан Тұрдалы (67 келі), Игорь Соловьёв (80 келі), Расул Асанханов (92 келі), Бексұлтан Қайратұлы (+92 келі) алтын алса, Жасұлан Бердалы (75 келі) күміс, Нұрсұлтан Қыстаубай (86 келі) қола алды.
Айта кетейік, алтын саны бойынша жалпы көрсеткіш: Қазақ-стан – 22 алтын Тәжікстан – 2 алтын Қырғызстан – 1 алтын Салыстырмалы түрде 2024 жылы Астанада өткен
Азия чемпионатында жастарымыз 11 алтын (қыздар – 6, ұлдар – 5 ) еншілеген еді. Жарыс жеңімпаздары Халықаралық бокс федерациясы тарапынан (1-орын – 1000$, 2-орын 500$, 3-орын 250$) ақшалай сыйақымен марапатталды.
Серік ҚАНТАЙ
