Қытайдан атажұртын аңсап келген қандас бауырларымыз Шырғанақ ауылында тұратын Бақдәулет Дәулетжан мен Әбдіғани Тоқтасын атты азаматтардың айналдырып жүрген істерін, дөңге- лентіп жүрген шаруаларын көріп риза болдық.
Екеуі 2018 жылы «Нұрғазы» атты шаруа қожалығын құрыпты. Ондағы басты мақсаты – ет бағытындағы асыл тұқымды ірі қара өсіру екен. Міне, игілікті шаруаның берік негізі қаланып келеді. Бақдәулет аудандық кәсіпкерлік палата арқылы арнайы курстан өтті. Одан соң аудандық жұмыспен қамту орталығы арқылы нәтижелі жұмыспен қамтудың мемлекеттік «Еңбек» бағдарламасы арқылы ірі қара малын өсіру, мал бордақылау алаңдарының жұмысын жолға қою үшін 3 миллион теңге ұзақ мерзімге, жеңілде- тілген несие алуға қол жеткізді. Алған қаражатына 11 бас сиыр сатып алған. Оның сыртында Бақдәулет пен Әбдіғани өз қаражатына екі бас ет бағытындағы асыл тұқымды «Ангус Абер- дин» бұқасын сатып алыпты. Сөйтіп, ет ба- ғытындағы асыл тұқым- ды ірі қара өсіруге жол ашылды.
«Нұрғазы» шаруа қожалығының бүгінде 100 ірі қарасы бар. Оның елуі аналық. Үйлерінің жанынан ірі қара ұстауға әрі мал бордақылауға арнап ұзын қора салып тастапты.
– Атамекенге келіп ойға алған істерімізге даңғыл жол ашылып, көңіліміз көтеріліп, ең- бекке, өмірге деген құш- тарлығымыз күн санап артып отырған жайы бар. Ауылдық округ әкі- мі Оразбай Бекбатыров мал қыстауын салуға жерге көмектесем деп уәдесін беріп жүр. Жайлаудан да жайылымдық жер алсақ, жағдайымыз жаман болмайды. Біз алдағы уақытта тағы да 2 бас асыл тұқым- ды бұқа сатып алсақ деп отырмыз, – дейді шаруа қожалығының жетекшісі Бақдәулет Дәулетжан. Ата-бабалары мал бағумен айналысқан, өздері ата таяғын шын ниетімен қолына алған Бақдәулет пен Әбді- ғанидай азаматтардың жүргізіп жатқан істері осындай. Олардың сапалы ет өндірулеріне мол мүмкіндік туып келеді.
