Панфилов ауданы, Көктал ауылындағы қазақтың Ұлы ақыны Абай Құнанбайұлының есімі берілген бұл мектеп 1967 жылдан бастап жұмыс істеп келеді.
Мектепте 965 оқушы білім алып, 95 мұғалім, 34 техникалық қызметкер еңбек етеді. Мектеп десе көз алдымызға оқушы мен ұстаз келеді. Дегенмен ұстаздарымыздан бөлек мектептің гүлденіп, дамуына ерекше үлес қосып жүрген жандардың да еңбегін айта кеткен жөн. Солардың бірі Ержан Қалқабаев 2006 жылдан бері директордың шаруашылық жөніндегі орынбасары қызметін атқаруда. Ержан Әбілбекұлы мектептің жалпы ішкі, сыртқы тазалығы мен барлық шаруашылығын ойдағыдай атқарып, қол астындағы қызметкерлерімен бірлесе отырып қыруар жұмыстың басын қайырып жүр.
2004 жылдан 2012 жыл аралығында мектеп есепшісі болған Айман Ізбасарқызы 2014 жылдан бастап кадр бөлімінде жұмыс істейді.
Мектеп қауіпсіздігіне жауап беретін күзетші Ортабай Нұртазаұлы, вахтерші Ғалым Мырзаханұлы, еден жуушы Марлыхан Иманмумаметқызы сынды қызметкерлердің мектеп дамуы мен гүлденуіне қосқан үлесі мен еңбегі зор.
Кез келген елдің болашағы өсіп-өркендеуі, әлемдік өркениеттен орын алуы оның белгілі деңгейіне байланысты. Қоғам талабына сай жұмыс атқарып, білім беріп келе жатқан мектеп ұжымына алғысымыз шексіз.
Боранбай ЕРҚАЛЫМҰЛЫ
Көктал ауылы,
Панфилов ауданы
