8–9 маусым күндері Қазақстан Республикасының Президенті Қасым-Жомарт Тоқаевтың шақыруымен Болгария Президенті Румен Радев елімізге ресми сапармен келеді. Бұл сапар екі ел арасындағы стратегиялық әріптестікті нығайтуға бағытталған маңызды қадам.
Астанада өтетін жоғары деңгейдегі келіссөздер барысында келесі салалардағы ынтымақтастық мәселелері талқыланады:
-
Сауда-экономикалық байланыстар: 2024 жылдың 11 айында Қазақстан мен Болгария арасындағы тауар айналымы 349,8 млн АҚШ долларын құрады, бұл өткен жылмен салыстырғанда 3,9 есе өсім көрсетіп отыр.
-
Инвестициялық ынтымақтастық: 2024 жылдың 9 айында Қазақстанға Болгариядан 6,2 млн доллар көлемінде инвестиция тартылды.
-
Көлік және логистика: Қазақстанның Еуропа мен Азия арасындағы транзиттік әлеуеті мен Транскаспий халықаралық көлік бағытын дамыту мәселелері қарастырылады.
-
Ауыл шаруашылығы және сирек кездесетін шикізаттарды игеру: Аталған салаларда болгар бизнесі үшін жаңа мүмкіндіктер ашылады.
-
Цифрландыру және туризм: Екі ел арасындағы цифрлық трансформация мен туризм салаларындағы ынтымақтастықты арттыру жолдары талқыланады.
Сапар аясында Қазақстан-Болгария Экономикалық ынтымақтастық жөніндегі үкіметаралық комиссиясының кезекті 5-ші отырысын өткізу жоспарлануда. Бұл отырыс екіжақты қатынастарды одан әрі тереңдетуге бағытталған нақты қадамдарды айқындайды.
«Жетісу-Ақпарат»
