Елбасы Н. Ә. Назарбаевтың «Қазақстан – 2050» Стратегиясында: «Мемлекеттік қызмет көрсету – бұл еліміздің әлеуметтік-экономикалық дамуының негізгі көрсеткіші» деп атап өткен болатын. Осыған байланысты мемлекеттік органдар қызметінің тиімділігін арттыруға және аталған саланың дамуына басты назар аударуымыз қажет.
Мемлекеттік қызметтерді көрсету кезінде халықтың құқықтарын, бостандықтары мен заңды мүдделерін сақтауды қамтамасыз ету белгілерінің бірі – әкімшілік кедергілерді азайту, халыққа мемлекеттік қызметтерді көрсету тиімділігін арттыру және мемлекеттік қызметтерді сапалы көрсету болып табылады.
Қазіргі уақытта «Балқаш ауданы Құйған ауылдық округі әкімінің аппараты» мемлекеттік мекемесі 8 (сегіз) мемлекеттік қызмет көрсетеді:
1. Елді мекен шегінде объект салу үшін жер учаскесін беру;
2. Бұрын жер пайдалануға берілген жер учаскесін жекеменшікке сату;
3. Мектепке дейінгі балалар ұйымдарына жіберу үшін мектепке дейінгі (7 жасқа дейін) жастағы балаларды кезекке қою;
4. Жер учаскесінің нысаналы мақсатын өзгертуге шешім беру;
5. Өтініш берушінің (отбасының) атаулы әлеуметтік көмек алушыларға тиесілігін растайтын анықтама беру;
6. Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу;
7. Шалғайдағы ауылдық елді мекендерде тұратын балаларды жалпы білім беру ұйымдарына және кері қарай үйлеріне тегін тасымалдауды ұсыну;
8. Жер учаскесін алу үшін кезекке қою.
«Балқаш ауданы Құйған ауылдық округі әкімінің аппараты» мемлекеттік мекемесінің ғимаратында халықты ақпараттандыру мақсатында мемлекеттік көрсетілетін қызметтердің стандарттары жазылған стенд ілініп, өзіне-өзі қызмет көрсету бұрышы ашылған. Өзіне-өзі қызмет көрсету бұрышында жеке куәліктегі ЭЦҚ-ны оқуға арналған картридер аппараты бар. Кез келген азамат осы өзін-өзі қызмет көрсету бұрышына ЭЦҚ-сымен келіп, өзіне қажетті мемлекеттік қызметтерді ала алады.
Мемлекеттік қызметтерді әр азамат өз үйінде жеке ғаламтор желісі болса, «Egov.kz» порталы арқылы немесе жеке ұялы телефондағы eGovmobile қосымшасы арқылы да алуына болады.
ЭЦҚ СД дискіге, флешкаға және азаматтардың жеке куәлігіндегі чипке қондырылады.
Балқаш ауданы әкімінің ресми сайтында мемлекеттік көрсетілетін қызметтердің стандарттары мен регламенттері орналастырылған. Барлық сұрақтар бойынша тел. номері 52-1.
Г. Әмірбекова,
Құйған ауылдық округі әкімі аппаратының бас маманы
Балқаш ауданы
