Қасым-Жомарт Тоқаев пен Иран Президенті Масуд Пезешкиан ресми келіссөздердің қорытындысы бойынша Бірлескен мәлімдемеге қол қойды, – деп хабарлайды 7-su.kz ақпараттық порталы.
Мемлекет басшыларының қатысуымен екі ел арасындағы бірқатар үкіметаралық және ведомствоаралық құжаттарға қол қою және алмасу рәсімі өтті. Атап айтқанда:
-
Қылмыстық істер бойынша құқықтық көмек туралы шарт;
-
Халықаралық автокөлік тасымалдары туралы келісімге енгізілген өзгерістер мен толықтырулар туралы хаттама;
-
Қазақстан және Иран сыртқы істер министрліктері арасындағы ынтымақтастық бағдарламасы;
-
2026–2028 жылдарға арналған мәдени алмасу бағдарламасы;
-
Зияткерлік меншік саласындағы өзара түсіністік пен ынтымақтастық туралы меморандум;
-
Көлік, транзит және логистика салалары бойынша стратегиялық ынтымақтастық туралы меморандум;
-
Денсаулық сақтау саласындағы ынтымақтастық туралы меморандум;
-
Қазақстан Президентінің Телерадио кешені мен Иранның радиохабар және телевизия ұйымы арасындағы ынтымақтастық туралы меморандум.
