ҚР Ауыл шаруашылығы министрі Айдарбек Сапаров картоп бағасының арзандауына қатысты пікірін айтты, деп хабарлайды 7-su.kz ақпарттық порталы Zakon.kz сайтына сілтеме жасап.
2025 жылдың 8 шілдесінде өткен брифингте журналистер: «Биылғы жылдың соңына дейін картоп бағасы арзандамай ма?» деген сауал қойды.
«Біз Сауда министрімен бірлескен отырыстар өткіздік, бірлесіп жұмыс істеп жатырмыз. Бір жерде үстеме баға шекті бағадан жоғары болса, онда сауда орталықтарындағы сатушыларға айыппұл саламыз. Бұл жұмыстар жүргізіліп жатыр», – деп жауап берді Айдарбек Сапаров.
Оның айтуынша, мәселені жүйелі шешу үшін биыл картоп егіс көлемі 20 мың гектарға дейін ұлғайтылды.
«Биыл шығымдылық қалыпты болып, картоп жеткілікті болады деп ойлаймын. Ал күзде баға төмендейді деп ойлаймын», – деді министр.
