«Жоңғар – Алатауы» мемлекеттік ұлттық табиғи паркінде «Саябақтар шеруі – 2025» халықаралық табиғатты қорғау акциясы өтті.
Ұлттық саябақ бас директорының ғылым жөніндегі орынбасары Тоғжан Қанатбекқызының айтуынша, аталмыш акция 2011 жылдан бері тұрақты түрде өтіп келеді. Акция аясында «Таза Қазақстан», «Taza Like», «Қоршаған ортаны қорғау», «Таза өзенге, таза жағалау», «Жер күні», «Құстар күні», «Қызғалдақтар Отаны Қазақстан», «Бұлақ көрсең көзін аш», «Бүкіл Қазақстандық ағаш отырғызу күні», «Жасыл жапырақ» тақырыбында Ашық есік күндері, экологиялық іс-шаралар, тақырыптық көрмелер, экскурсиялар мен шығармашылық байқаулар өткізіледі.
Шараға аудан әкімдігінің қызметкерлері, «Жетісу жастары» КММ филиалы, мектеп оқушылары мен студенттер және еріктілер қатысып, өз үлестерін қосты. Іс-шара барысында «Жоңғар – Алатауы» МҰТП аумағында 50 түп қарағай көшеті отырғызылды.
Жақсылық ЖОМАРТҰЛЫ
Сарқан ауданы
