Бүгін Шерзат Полаттың өліміне қатысты қылмыстық істің соттағы соңғы отырысы өтті. Сот шешімі бойынша айыпталушыларға үкім шығарылып, жәбірленуші тарапқа моральдық шығын ретінде 120 миллион теңге өндірілетін болды, деп хабарлайды 7-su.kz.
Бұған дейінгі сот отырыстарында жәбірленуші тарап жалпы көлемі 660 миллион теңге көлемінде моральдық және мүліктік шығынды өндіруді талап еткен еді.
Алайда сот бұл талапты ішінара қанағаттандырды. Үкімге сәйкес:
-
Шынасыл – 60 миллион теңге,
-
Сакиев – 30 миллион теңге,
-
Қалған сотталғандар мен Сакиев ортақ тәртіпте – 30 миллион теңге төлеуге міндеттелді.
Айта кетейік, кәмелет жасына толмаған Думан Ысқаққа жәбірленуші тарап азаматтық талап қойған жоқ.
