Қазақстанның бірінші, Әлемнің үшінші ракеткасы Елена Рыбакина Ұлыбританида өтіп жатқан «Уимблдонның» төртінші кезеңіне шықты. Ол үшінші айналымда британиялық Кэти Бултерді сенімді жеңді. Нәтиже – 6:1, 6:1. Кездесу 56 минутқа созылды.
Бұл Рыбакина үшін биылғы Уимблдон кортындағы үшінші жеңіс. Былтыр аталған турнирдің жеңімпазы болды.
Рыбакинаның үшінші кезеңдегі қарсыласы бразилиялық Беатрис Хаддад Майя (рейтингте 13-орында). Бразилиялық теннисші «Уимблдондағы» алғашқы кездесуін тағы бір қазақстандық Юлия Путинцеваға қарсы өткізіп, 2:1 (3:6, 6:0, 6:4) есебімен жеңіп, жарыстан шығарған еді.
Одан бөлек Рыбакинамен Хаддад Майя биыл екі мәрте жолықты. Абу-Дабиде болған бірінші кездесу үш партияға созылып, нәтижесінде Беатрис (3:6, 6:3, 6:2) жеңді. Екінші ойын Германияның Штутгард қаласында болды. Ойын ортасында Рыбакина жарысты жарақатына байланысты жалғастырудан бас тартқан.
«Уимблдонның» үшінші кезеңдегі екеуара үшінші ойын 10 шілдеде болады.
