Алтын алқа иегері, сегіз баланың анасы Лида Жанбота бүгінгі сайлауда өз таңдауын жасап, азаматтық ұстанымын білдірді.
Бала тәрбиесімен қатар қоғамдық өмірге белсене араласып, елдің рухани-мәдени дамуына өз үлесін қосып жүрген Лида Жанбота – ақындық қырынан да танылып жүрген жан. Жақында ақынның «Ақбұлақтың сылдыры» атты кітабы жарық көріп, жаңа туындының тұсаукесері өткен болатын.
«Ақынға ел қолдау көрсетіп жатқанда, мен қалай қолдамайын? Бүгін Құрылтайда төбемді көрсетіп, өз таңдауымды жасауға келдім», – дейді Лида Жанбота.
Сегіз баланы тәрбиелеп, отбасылық жауапкершілікті абыроймен атқарып жүрген ана үшін елдің қоғамдық өміріне араласу да маңызды. Оның бүгінгі сайлауға қатысуы – азаматтық белсенділіктің, ел тағдырына бейжай қарамайтындығының жарқын көрінісі.
Айта кетейік, Лида Жанбота бүгін №162 сайлау учаскесінде болып, өз таңдауын жасады.
