1 маусым – Халықаралық балаларды қорғау күніне орай Үшарал қаласындағы «Астана» саябағында «Бақытты бала – жарқын болашақ!» атты мерекелік іс-шара өтті, – деп хабарлайды 7-su.kz ақпараттық порталы.
Салтанатты жиынға аудан тұрғындары, ата-аналар, ұстаздар мен бүлдіршіндер қатысып, көтеріңкі көңіл-күйде бас қосты. Шара барысында Алакөл ауданы әкімінің орынбасары Мәулен Төлеужанов сөз сөйлеп, балаларды мерекемен құттықтап, оларға зор денсаулық пен толағай табыс тіледі.
Мерекелік бағдарлама аясында аудан өнерпаздары мен жас таланттар ән мен биден шашу шашып, көрермендерге көтеріңкі көңіл-күй сыйлады.
Сондай-ақ, балалар арасында түрлі ойындар, спорттық жарыстар және «Бақытты балалық шақ» тақырыбындағы асфальтқа сурет салу байқауы ұйымдастырылды.
Балалардың шат күлкісі мен қуанышқа толы жүздері мерекенің сәнін келтіріп, қатысушыларға ерекше әсер қалдырды.
