Алматы облысы аумағында жол қозғалысы ережелеріне қатысты құқықбұзушылықты анықтайтын автоматты тіркеу жүйелері орнатылды. Атап айтқанда, «Сергек» бейнекамералары қараша айының 7-нен бастап толыққанды іске қосылды.
Бұл жүйелерді орнатудағы негізгі мақсат — жол қозғалысы ережелеріне қатысты құқықбұзушылықтардың, атап айтқанда, жылдамдық режимін шамадан тыс арттырудың, арақашықтықты сақтамаудың және жол-көлік оқиғаларының алдын алу. Осыған орай, тәртіп сақшылары жол қозғалысы кезінде жүргізушілерді автожолдарда мұқият болуға және жол қозғалысы ережелерін қатаң сақтауға шақырады.
Алматы облысында «Сергек» камералары Алматы-Бішкек автожолының 27-нші шақырымында (шығыс бағытта Қаскелең қаласының маңы), Алматы-Көкпек-Көктал жолының 26-ншы шақырымында («Құлжа» жанармай құю бекеті), Алматы-Жетіген жолының 34-нші шақырымында (Әли ауылы), Талғар-Бәйдібек би ауылы аралығында (12-нші шақырым) және Алматы-Өскемен жолының 109-ншы шақырымында (Шеңгелді ауылының бойы) орнатылған.
«АЛАТАУ-АҚПАРАТ»
