Ұлттық ұланның 5571 әскери бөлімінен бөлінген жасақ көшелерді патруьльдеу кезінде есірткі жасырушыны қолға түсірді.
Әскери жасақ бастығы қатардағы Нұрдәурен Айтмағанбет және патрульшілер қатардағы Айбек Байтүлел мен Тимур Чабиков 8 ықшам ауданында қызмет ету барысында күдікті көрінген жас жігітті байқайды, бұл туралы жасақ дереу байланыс желісі арқылы кезекшіге баяндайды. Ол тұрғын үй ауласындағы талдардың арасынан бір затты іздеп жатады.
Ол бізге күдікті ретінде көрінді. Біз тез арада қасына жақындадық. Күдікті азамат қашуға әрекет жасады, бірақ дегені іске аспады. Сол жерден жасырылған есірткі заты табылды, — дейді ұландық жауынгер Нұрдәурен Айтмағанбет.
Күдікті азамат шақырту бойынша оқиға орнына келген полиция қызметкерлеріне табысталған.
«Жетісу-Ақпарат»
