Талдықорғандағы Жетісу гарнизонына қарасты 54380 әскери бөлімінде қысқы оқу кезеңі басталар алдында қауіпсіздік талаптарын сақтау бойынша кешенді әдістемелік нұсқау сабақтары өткізілді.
Әскери сала жауаптыларының сөзінше, жауынгерлік даярлық бағдарламасы аясында қолға алынған бұл іс-шараның басты мақсаты қызметшілерді күнделікті қызметті орындау барысында қауіпсіздік талаптарын сақтау қағидаларымен таныстыру. Шара барысындаәскери бөлімдерде,техникалар паркі аумағында, казармалық үй-жайларда, спорт және қарауыл қалашықтарында, тактикалық алаңда және басқа да орындарда көрнекі құралдармен оқу орындары ұйымдастырылды. Онда сабақ жетекшілері қару-жарақпен, әскери техникамен жұмыс барысында қауіпсіздік шараларын сақтау, жеке құрам қарауыл қызметін атқару кезіндегі жалпы талаптарды білу, атыс қаруымен жұмыс істеу кезіндегі қауіпсіздік ережелері бойынша нұсқамалар берілген. Сондай-ақ, сабақ барысында өрт және электр қауіпсіздігі ережелерін сақтау, түрлі жарақаттар алған кезде алғашқы көмек көрсету шаралары тегіс қамтылған.
–«Қауіпсіздік талаптары бойынша өткізілген бұл сабақтар Қарулы Күштердің әскери қызметшілерін жауынгерлік даярлау жоспарына сәйкес жеке құрамды толық тарта отырып, желтоқсан айында басталатын қысқы оқу кезеңі қарсаңында өтіуде. Бұл жауынгерлерге қауыпсіздікті қамтамасыз етіп, әр жаттығуды сәтті орындауға үйретеді» – дейді 54380 әскери бөлім командирінің орынбасары подполковник Нұрлан Қажуат.
Қатысушылардың айтуынша, қауіпсіздікті сақтау – басты қағида. Тәжірибекөрсеткендей, мұндай іс-шаралар жауынгерлердің біліктілігін арттырып, тұрақты білімін қалыптастыруға, жаттығу кезінде жеке құрамдағылардың жарақаттануының алдын алуды қамтамасыз етуге мол мүмкіндік береді.
Айдын КӘЛІМХАН
