Қазақстан Республикасы Бәсекелестікті қорғау және дамыту агенттігінің Жетісу облысы бойынша департаменті «Жетісу облысының жолаушылар көлігі және автомобиль жолдары басқармасы» тарапынан бәсекелестікті қорғау саласындағы заңнама талаптарын бұзу белгілері бар екенін анықтады.
Басқарма жолаушылар тасымалы конкурсының жеңімпаздарымен жасалған келісімшарттарға тасымалдау қағидаларына сәйкес келмейтін талаптар енгізу арқылы оларға артықшылық берген. Бұл өз кезегінде, бәсекелестеріне қатысты әділетсіз жағдай туғызған.
Анықталған заңбұзушылықтар негізінде Департамент Басқармаға тиісті хабарлама жолдады. Нәтижесінде, шарт мерзімдерін өзгерте отырып, қосымша келісімдер жасалып, хабарлама талаптары орындалды.
«Жетісу—Ақпарат»
Фото: www.accountingweb.com
