Талғарда көз жұмған 16 жасар Шерзат Болаттың өліміне қатысты күдіктілердің бастығы делінген «Хутор» бандасының басшысы Хасан Қасымбаев ұсталды.
Алдын ала тараған дерек бойынша, ол Шерзаттың өлімімен қатысты ұсталмаған. 2021 жылғы қылмысқа байланысты делінеді ақпарат көздерінде.
Полицияның мәліметінше, Қасымбаев 2 қарашада ұсталып уақытша тергеу изоляторына орналастырылған. Ол 2021 жылдың маусымында А. есімді азаматтың денсаулығына қасақана ауыр зиян келтірген және ұрлық жасады деген күдікке ілінді.
Бұлтартпау шарасы туралы мәселе шешілуде. Тергеу облыстық полиция департаменті басшылығының бақылауында.
Фото: Хасан Қасымбаевтың әлеуметтік желісінен
