«Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі № 360-VI ҚРЗ кодексіне сәйкес медициналық қызмет лицензиялауға жатады. Лицензиялауға жататын медициналық қызметтің кіші түрлері «Рұқсаттар және хабарламалар туралы» Қазақстан Республикасының 2014 жылғы 16 мамырдағы № 202-V ҚРЗ Заңында айқындалған.
Жедел медициналық және санитарлық авиация, амбулаториялық-емханалық, стационарлық және стационарды алмастыратын, диагностикалық көмек, зертханалық диагностика, стоматология және тағы басқа медициналық қызметтің түрлерімен айналысу үшін бірінші кезекте лицензияның болуы қажет. Лицензиялау тәртібі Қазақстан Республикасы Денсаулық сақтау министрінің 2020 жылғы 1 маусымдағы № ҚР ДСМ – 59/2020 бекітілген бұйрығына сәйкес «Медициналық қызметке лицензия беру» мемлекеттік қызмет көрсету қағидаларымен регламенттеледі. Лицензиялар мен оған қосымшаларды Медициналық және фармацевтикалық бақылау комитетінің аумақтық департаменттері лицензиаттың орналасқан жері бойынша береді. Алу үшін келесі біліктілік талаптарына сай болуы шарт.
Санитарлық қағидаларға сәйкес келетін үй-жайлар. Лицензияны алғанға дейін санитарлық-эпидемиологиялық қорытындының болуы. Меншік құқығын немесе жалдау шартын немесе шартты куәландырушылар жылжымайтын мүлікті өтеусіз пайдалану немесе мүлікті сенімгерлік басқару немесе мемлекеттік-жекешелік әріптестік шарты; лицензиялық алым сомасын екінші деңгейдегі банктер және банк операцияларының жекелеген түрлерін жүзеге асыратын ұйымдар арқылы төлеу туралы құжат болуы керек. Мамандар: медициналық білім туралы құжат (Диплом); тиісті мамандық бойынша маман сертификаты бар; мәлімделген медициналық қызметтің кіші түрлері бойынша соңғы 5 жылда біліктілікті арттыру куәлігі болуы міндетті.
– Қазақстан Республикасы Еңбек кодексінің 35-бабына сәйкес мәлімделген кіші қызмет түрлеріне сәйкес еңбек қызметін растайтын құжат.
Сондай-ақ, медициналық оңалтуды көрсетуді ұйымдастыру стандартына сәйкес жұмыс істейтін медициналық және арнайы жабдықтар, аппаратуралар мен құралдар, аспаптар, жиһаз, мүкәммал, көлік және басқа да құралдар.
Нысан санитарлық ережелерге сәйкес болуы керек. Жеке кәсіпкерлер үшін медициналық қызметтің мәлімделген кіші түрлері бойынша жұмыс өтілі кемінде 5 жыл болуы тиіс.
Лицензия алу үшін өтінішті «Электрондық үкімет» веб-порталы арқылы жіберу қажет www.egov.kz, www.elicense.kz лицензиаттың орналасқан жері бойынша комитеттің аумақтық департаментіне 2020 жылғы 1 маусымдағы № ҚР ДСМ-59/2020 бұйрығының 2 және 3-қосымшасына сәйкес 2020 жылғы 1 маусымдағы № ҚР ДСМ-59/2020 бұйрығының 1-қосымшасына, 8-тармағына сәйкес құжаттар қоса берілген жыл және электронды цифрлық қолтаңбамен куәландырылған.
Лицензияны және оған қосымшаларды алуға қалай өтініш беру керектігі туралы толық түсініктеме ҚР ДСМ Медициналық және фармацевтикалық бақылау комитеті Жетісу облысы бойынша департаментінің ресми сайтында және Instagram (dkmfk_zhetysu) әлеуметтік желісінде бейнеүзік түрінде орналастырылған.
Туындаған сұрақтар бойынша «Қазақстан Республикасы Денсаулық сақтау министрлігі Медициналық және фармацевтикалық бақылау комитетінің облыс бойынша департаменті» РММ-не 8(7282)24-06-49, 8(7282)24-11-76 нөмірлері бойынша хабарласуға болады.
Гүлжан МҰҚАШҚЫЗЫ
Фото: 426hospital.ru
