«Заң және тәртіп» идеологиясын жүзеге асыру аясында жеке және заңды тұлғалардың прокуратура органдарына жүгіну тәртібі түсіндірілді.
Прокуратура органдары жеке және заңды тұлғалардың өтініштерін прокурордың құзыреті мен өкілеттіктеріне сәйкес қарайды. Заң нормаларына сай, барлық өтініштер прокуратура органдарының қарауына жатпайды. Прокуратураға мерзімінен бұрын немесе құзыретіне кірмейтін мәселелер бойынша түскен өтініштер тиісті органдарға жіберіледі. Нәтижеге қол жеткізу және өтініштерді жедел қарау үшін белгіленген шағымдану тәртібін сақтау, мемлекеттік органдармен хат алмасуды және басқа да материалдарды ұсыну қажет.
Заң актілеріне сәйкес, азаматтардың өтініштері келесі жеке (прокуратура канцеляриясы арқылы), «Қазпошта», электронды түрде «egov» порталы немесе «Е-өtіnіsh» АЖ арқылы беріледі. Электрондық пошта арқылы өтініштер қабылданбайды. Себебі, құжаттарға электрондық-сандық қолтаңба қою, сондай-ақ ЭЦҚ түпнұсқалығын тексеру мүмкіндігі қарастырылмаған. Басқа тұлғалардың мүддесінде өтініш білдірген кезде тиісті тұлғаның мүддесін білдіру құқығына сенімхат тіркеу қажет.
Заң актілерімен белгіленген нормаларға сәйкес, өтінішті қарау мерзімі Қазақстан Республикасының заңдарымен өзгеше көзделмесе, прокуратура органдарына түскен күннен бастап он бес жұмыс күнін құрайды. Тексерулер жүргізу, істерді зерттеу және ақпаратты талап ету қажеттігі туындаған жағдайда, өтінішті қарау мерзімі екі айдан аспайтын мерзімге ұзартылады. Тексеру аяқталғаннан кейін он жұмыс күні ішінде өтініш берушіге тексеру нәтижелері бойынша соңғы жауап беріледі.
Өтінішті қарау мерзімін ұзарту туралы өтініш берушіге мерзімді ұзарту күнінен бастап үш жұмыс күні ішінде хабарланады. Анонимді өтініштер прокуратура органдарымен қаралмайды. Шағымды қарау нәтижелері жоғары тұрған прокурорға немесе сотқа шағымдануы мүмкін. Қаратал ауданының прокуроры және оның орынбасары күн сайын жұмыс уақытында алдын ала жазылусыз жеке қабылдау жүргізеді.
Қанат НҰХАЕВ,
Қаратал ауданының прокуроры
Фото: Baigenews.kz
