ҚР ҰҚК шегара қызметі Жетісу облысы бойынша департаментінің ұйымдастыруымен Алакөл ауданы бойынша шегара басқармасының «Көктем-2025» жас сарбаздарына арнап мерекелік шара өтті.
Мерекелік жиын Жеңістің 80 жылдығы мен Алакөл ауданы бойынша шегара басқармасының 60 жылдық мерейтойына орайластырылды. Концерттік бағдарламаға Дәнеш Рақышев атындағы облыстық филармониясының өнерпаздары қатысып, патриоттық әндер шырқап, көрермендерге көтеріңкі көңіл-күй сыйлады. Шара барысында шегара қызметінің әскери қызметшілер мен жас сарбаздарға ел қорғанындағы маңызды рөлі кеңінен талқыланды.
Бұл мерекелік кеш жас сарбаздарға рухани жігер беріп, отансүйгіштік сезімдерін арттыра түсті.
«Жетісу-Ақпарат»
