Сот жүйесін жетілдіру және бұл бағыттағы шараларды сапалы жүзеге асыру – заң үстемдігін қамтамасыз етудегі басты басымдықтың бірі табылады. Қарапайым халықтың сот пен судьяға деген сенімі билік пен мемлекетке деген сенімімен бірдей екенін ескерген жөн.
Қоғам сот жүйесін жетілдіруді талап етуін әділ түрде жалғастырады. Бірақ кез келген жүйеге жаңа институттарды енгізіп, нәтижесін көру үшін уақыт және көп еңбек қажет. Әрбір өзгеріс пен реформаға қоғам мен азаматтар өз объективті бағасын береді. Біздің міндетіміз – соттарға деген сенімге қол жеткізу. Сот залынан шыққан әрбір азамат судьяның сот актісінен заңдылық пен әділдік таба алатындай болуы керек.
Қазақстан Республикасының сот жүйесiн Қазақстан Республикасының Жоғарғы Соты, Қазақстан Республикасының Конституциясына және осы Конституциялық заңға сәйкес құрылатын жергiлiктi және басқа соттар құрайды. Мемлекет басшысы жариялаған реформада сот жүйесін жаңғыртуға ерекше басымдық берілген. Сот жүйесін жаңғырту реформасы дәл қазір белсенді кезеңде деп айтуға болады. Өйткені қазіргі уақытта Президенттің бағдарламалық құжаттарында айтылған тапсырмалар тұрақты орындалып келеді. Судья ретінде де, қарапайым адам ретінде қоғамға реформа ғана емес, сот төрелігін атқару сапасының да жоғары болғаны маңызды екенін жақсы түсінеміз. Халықтың сот жүйесіне деген үміті мен сұранысы күннен-күнге артып келеді. Мемлекет басшысының тапсырмасымен Сенатта сот жүйесін реформалау жөніндегі жұмыс тобы құрылды. Топ құрамындағы депутаттар, адвокаттар, заңгер-практиктер, ғалымдар, мемлекеттік органдардың өкілдері өздерінің және біздің бастамаларымызды талқылайды. Бұл – нәтижелі қадам. Себебі мұндай алаң тек шағымдарды емес, сот қызметтерін тікелей пайдаланушылардың нақты ұсыныстарын тыңдауға мүмкіндік береді. Платформа бізге сындарлы диалог құрып, көптеген маңызды шешім бойынша ымыраға келуге мүмкіндік туғызды. Көп шағым сот үдерістерінің созылып кетуіне байланысты айтылады. Өйткені бірінші саты істерді пысықтамайды, апелляция істерді кері қайтарғаннан кейін бәрін қайтадан бастауға тура келеді. Салдары – жоғалған есіл уақыт пен қаражат.
Сот жүйесін жетілдіруді талап етуін әділ түрде жалғастыруымыз керек. Бірақ кез келген жүйеге жаңа институттарды енгізіп, нәтижесін көру үшін уақыт және көп еңбек қажет. Біздің міндетіміз – соттарға деген сенімге қол жеткізу. Сот залынан шыққан әр азамат судьяның сот актісінен заңдылық пен әділдік таба алатындай болуы керек.
Сағынбек Ақнур
Алматы гарнизоны әскери сот әкімшісінің бас маманы-сот отырысының хатшысы
Фото: Newqazaq.kz
