Жетісу облысында Полиция департаментінің есірткі қылмысына қарсы іс-қимыл және экстремизмге қарсы іс-қимыл басқармаларының қызметкерлері Талдықорған қаласы прокуратурасы және нарколог-дәрігермен бірлесе отырып, Жетісу университетінің студенттерімен маңызды кездесу өткізді, – деп хабарлайды Polisia.kz.
Бұл шара 2023-2025 жылдарға арналған нашақорлық пен есірткі қылмысының алдын алудың кешенді жоспары аясында ұйымдастырылды. Сонымен қатар кездесуде экстремизмге байланысты қылмыстардың алдын алу мәселелері де қарастырылды.
Кездесуге 44 студент қатысып, құқық қорғау органдарының өкілдері есірткінің заңсыз айналымы үшін Қазақстан Республикасының заңнамасында қарастырылған құқықтық салдар туралы түсіндірді. Жастардың санасын қалыптастырып, ақпараттандыру мақсатында есірткіге қарсы бағытталған әлеуметтік бейнероликтер көрсетілді.
Іс-шараның ұйымдастырушылары есірткі қылмысы мен экстремизмге қарсы күрестің тек құқық қорғау органдарының ғана емес, бүкіл қоғамның міндеті екенін атап өтті. Азаматтардың бұл мәселелердің қауіптілігін түсініп, есірткінің заңсыз айналымы мен экстремистік әрекеттерге қатысты құқық бұзушылықтар туралы дер кезінде хабарлауы өте маңызды. Бұл үшін 102 жедел арнасына немесе Жетісу облысы полиция департаментінің есірткі қылмысына қарсы іс-қимыл басқармасына тікелей жүгінуге болады.
Хабарламаларға арналған байланыс деректері:
Мекен-жайы: Талдықорған қаласы, Абылайхан көшесі, 132.
Әлеуметтік желідегі аккаунт: @upn_zhetisy.
Сенім телефоны: 60 83 42.
WhatsApp нөмірі: +7-705-345-99-03.
Осындай кездесулер жастарға мәселенің маңыздылығын тереңірек түсінуге көмектеседі, сондай-ақ олардың есірткіге қарсы көзқарастарын және экстремистік әрекеттерге төзбеушілікті қалыптастырады.
