Жетісу облысының сыбайлас жемқорлыққа қарсы іс-қимыл жөніндегі Ведомствоаралық комиссиясында жол және жер қатынастары салаларындағы сыбайлас жемқорлыққа қарсы іс-қимыл бойынша өзекті мәселелер талқыланды.
Жетісу облысында сыбайлас жемқорлыққа қарсы іс-қимыл мәселелері жөніндегі ведомствоаралық комиссияның 2024 жылғы 4-тоқсанның отырысы өтті.
Іс-шара барысында субъектілердің өз құзыреті шегінде жүзеге асыратын сыбайлас жемқорлыққа қарсы жұмыстары қарастырылды.
Отырыста төмендегі мәселелер қаралды:
- Жол саласындағы сыбайлас жемқорлыққа қарсы іс-қимыл бойынша атқарылған жұмыстар мен қабылданып жатқан шаралар туралы;
- Жер қатынастары саласындағы сыбайлас жемқорлыққа қарсы іс-қимыл бойынша атқарылған жұмыстар мен қабылданып жатқан шаралар туралы;
- Сыбайлас жемқорлыққа қарсы іс-қимыл жөніндегі ведомствоаралық комиссияның 2024 жылғы қызметінің қорытындылары және 2025 жылға арналған жұмыс жоспарының жобасы туралы.
Аталған салалар сыбайлас жемқорлық тәуекелдерін сыртқы талдау шеңберінде Сыбайлас жемқорлыққа қарсы қызметтің зерттеу нысандары болып табылған.
Отырыс қорытындысы бойынша Сыбайлас жемқорлыққа қарсы қызметтің ұсынымдарын орындау бойынша нақты мерзімдер белгіленді. Жұмсалатын бюджет қаражатының ұтымдылығы мен ашықтығын қамтамасыз етуге ерекше назар аудару тапсырылды.
Облыс әкімі аппаратының мемлекеттік-құқықтық бөлім
