Талдықорғандағы Инновациялық колледжде студенттер арасында нашақорлықтың алдын алу бойынша кездесу өтті.
Іс-шара 2023-2025 жылдарға арналған нашақорлық пен есірткі қылмысының алдын алу жөніндегі кешенді жоспар аясында ұйымдастырылды.
Жиынға Жетісу облысы полиция департаментінің есірткі қылмыстарына қарсы іс-қимыл басқармасының мамандары, ардагерлер кеңесінің өкілдері, нарколог-дәрігер және «Қос қанат Жетісу» үкіметтік емес ұйымының психологы қатысты. Кездесу барысында студенттерге есірткінің адам өміріне тигізетін зияны, оны тұтынудың қауіпті салдары және заңсыз айналымға қатысқаны үшін жауапкершілік туралы жан-жақты ақпарат берілді.
Сонымен қатар, қатысушыларға есірткіге қарсы күрес жөніндегі бейнеролик көрсетіліп, нашақорлықтың алдын алуға бағытталған интерактивті ойындар ұйымдастырылды. Студенттер өз ойларымен бөлісіп, мамандарға көкейдегі сұрақтарын қойды. Жалпы, бұл іс-шараға 80-ден астам адам қатысты.
«Жетісу-Ақпарат»
Фото: polisia.k
