Облыста салық органдары заңсыз темекі өнімдерінің айналымын анықтау мақсатында тексеру жүргізуде. Олар жыл басынан бері 328 мың қорап заңсыз өнім анықтаған.
Айта кетейік, былтырғы тексерістің нәтижесінде салық органдары 591 мың қорап таңбалаусыз темекі тәркіледі. Биыл да заңсыз өнімдерді анықтау мақсатында жүйелі жұмыс жүргізілуде. Мамандардың айтуынша цифрлық таңбалау процесі өндіруші немесе импорттаушының әрбір қорапқа «Data Matrix» бірегей кодын енгізуін, тауарды жүйеге тіркеуді және 2D-сканерлер немесе «Naqty Sauda» қосымшасы арқылы сату кезінде бақылауды қамтиды. Бұл контрафактілік өнімдердің нарыққа шығуын болдырмауға және жеткізу тізбегінің ашықтығын қамтамасыз етуге мүмкіндік береді.
Таңбалау ережелерін бұзған жеке тұлға 50 АЕК, Шағын бизнеске 150 АЕК, орта бизнеске 200 АЕК, ірі бизнеске 500 АЕК айыппұл салынады. Егер таңбалауды өндірушілер немесе импорттаушылар қолданбаса, айыппұл мөлшері 500 АЕК-ке дейін өнімді тәркілеумен бірге қарастырылады.
Бауыржан ҚАСЫМХАН,
ЖУ-дің студенті
Фото: pinterest.com
