Қаланың аумақтарын санитарлық тазарту қоғамдық ортаны және қала тұрғындарының өмір сүру жағдайларын жақсартудың ажырамас бөлігі болып табылады.
Аумақтарды санитарлық тазарту сапасы мәселесі бойынша Талдықорған қаласының әкімінің орынбасары Жеңіс Саятбекұлының қатысуымен дөңгелек үстел өтті.
Тұрғын үй-коммуналдық шаруашылық, жолаушылар көлігі және автомобиль жолдары бөлімінің өкілі отырысқа қатысушыларды санитарлық тазалау бойынша жүргізіліп жатқан жұмыстар туралы хабардар етті.
Сонымен қатар арық желілері мен арық өткелдерін тазалығын қадағалау, қаламызды жасыл желектермен көкаландыру, жол мәселесі басты назарға алынды.
Жиын барысын қорытындылай келе анықталған ескертулерді жою бойынша тапсырмалар мен ұсынымдар дайындалып, Талдықорған қаласының полиция басқармасына және тұрғын үй инспекциясы бөліміне әкімшілік сауалдар жолданды.
