Жетісу өңірінде жантүршігерлік жол апатынан бір адам көз жұмды, деп хабарлайды 7-su.kz желілік басылымы.
Оқиға кеше, 16 қазан күні Текеліде болған. Тоқтап тұрған көлікпен соқтығысқан шетелдік көліктің дөңгелегі астында 48 жастағы әйел қаза тапты.
Облыстық полиция 48 жастағы әйел оқиға орнында қаза тапқанын растады.
Ведомство өкілдерінің мәліметінше, Nissan Renessa және Mitsubishi Galant көліктері соқтығысқан.
«Nissan Renessa көлігінің 44 жастағы жүргізушісі тізгінге ие бола алмай, жол жиегінде тұрған Mitsubishi Galant автокөлігімен соқтығысқан. Соққыдан көлік қозғалып, инерциямен жаяу жүргіншіні қағып өткен. Ол, өкінішке қарай, сол жерде қайтыс болды. Құқықбұзушының көлігі арнайы тұраққа жеткізілді», — деді Жетісу облысы полиция департаменті баспасөз қызметінің өкілдері.
