Жетісу облысының полицейлері «Жақсылық жаса» атты акцияға атсалысты. Игі шара аясында олар қарттар үйлері мен ішкі істер органдары ардагерлерінің үйлеріне барып, қамқорлық танытты.
Акцияның мақсаты – тек көмек көрсету ғана емес, сондай-ақ қоғамды біріктіре алатын қайырымды істердің маңыздылығын көрсету. Полицейлер егде жастағы адамдардың ауласындағы қар тазалау сынды жұмыстарды атқарды.
Полицейлер мұндай бастамалар бір реттік болып қалмауы керек екенін атап өтті. «Көмекке мұқтаж жандарға жас ерекшелігіне немесе әлеуметтік жағдайына қарамастан, қолдау көрсету маңызды», – деп атап өтті полиция қызметкерлері.
Жергілікті тұрғындар полицейлерге көңіл бөлгендері мен қолдаулары үшін алғыс айтты. «Жақсылық жаса» акциясы қайырымды істердің маңыздылығын, жақындарына қамқорлық жасау – үйлесімді қоғамның негізі екенін көрсетті.
«Жақсылық жаса» акциясы – әр адамның әлемді сәл де болса жақсырақ ете алатынын еске салатын іс-шара.
«Жетісу-Ақпарат»
