Жетісу облысы Ескелді ауданының аумағында жабайы жануарларды заңсыз аулау дерегі тіркелді, деп хабарлайды 7-su.kz желілік басылымы.
«Tank» маркалы автокөлік жүргізушісі жолдасымен бірге «сібір елігін» аулау арқылы заңды бұзды. Зиянкестер 38 және 43 жастағы Алматы облысының тұрғындары болып шықты.
Жетісу облысының полиция департаменті ұсынған ақпаратта операция барысында полиция қызметкерлері «Иж-27» мылтығын және «Вепрь-308» карабинін, сондай-ақ 32 бірлік оқ-дәрі тәркіленгені жазылған. Күдіктілердің екеуі де ұсталды және қажетті сараптамаларды тағайындаумен сотқа дейінгі тергеу басталды. Алдын ала келтірілген залалдың сомасы бір жарым миллион теңгені құрады.
Бұл оқиға жануарларды қорғаудың және қоршаған ортаны қорғауға бағытталған заңнаманы сақтаудың маңыздылығын көрсетеді.
Фото: YarNews
