Жетісуда 150-ден астам ұрланған мал иелеріне қайтарылды, – деп хабарлайды Polisia.kz.
Мал ұрлығы ауылдық округ тұрғындары мен мал иелері үшін басты мәселелердің бірі. Бүгінгі таңда Жетісуда мал ұрлығының 85 фактісі тіркелді, бұл өткен жылдың сәйкес кезеңімен салыстырғанда 37%-ға төмен. Мүлікке қылмыстық қол сұғушылыққа қарсы күрестің маңызды бағыттарының бірі мал ұрлығының алдын алу, жолын кесу және ашу. Полицияның атқарған жұмыстарының арқасында Жетісуда тіркелген мал ұрлығының саны 135-тен 85-ке дейін төмендеді және оның ашылуы 67,4% құрады. Жыл басынан бері барлығы 153 бас мал табылып, иелеріне қайтарылды.
Ескертулерге қарамастан, азаматтар өз малдарының қауіпсіздігіне немқұрайлы қарайды. Көбінесе ұрлық қорғалмаған және техникалық жағынан қамтамасыз етілмеген малды ұстау орындарынан, сондай-ақ бақылаусыз мал жаю кезінде жасалады. Мал ұрлығының ашылуына кедергі жасайтын факторлардың бір ол – мал жоғалғаннан кейін көпшілігі жануарларды өз күшімен іздеуге тырысады. Таба алмай, уақытты іздеуге жұмсаған мал иелері кейін полицияға жүгінеді.
Фото: gov.kz-тен алынды
