Оқи отырыңыз
Қазақстанның 20 өңірінің алтауында халықтың шығыны табысынан көп. Атап айтқанда, Алматы облысы, Жетісу облысы мен Шымкент қаласы тұрғындарының шығыны кірісінен асып кеткен, деп хабарлайды 7-su.kz желілік басылымы.
Жалпы, 2022 жылдың төртінші тоқсанында Қазақстандағы жан басына шаққандағы ақшалай табыс бір жыл бұрынғыдан 17,7% өсіп, 252,4 мың теңгені құраған.
Табыспен қатар, шығын да өсіп жатыр. Былтыр жан басына шаққандағы шығын бір жылда 15,1% өсіп, бір тоқсанда 246,8 мың теңге болды.
finprom.kz. сарапшыларының жазуынша, 2021 жылдың осы кезеңінде халықтың табысы 10,6% өсіп, орташа есеппен 214,5 мың теңге болған. Алдыңғы жылы осы кезеңде үй шаруашылығының шығыны да бір жылда 12% көбейіп, 214,5 мың теңгені құраған.
Табыс пен шығыс арасындағы айырмашылық 5600 мың теңгені (немесе 2,3%) құрап тұр, яғни табыс шығыннан сәл ғана асады. Бұл соңғы жылдардағы сәйкес кезеңдегі ақшалай көріністегі ең жоғары айырмашылық.
Өңірлер бойынша көп табыс табатын елорда тұрғындары: жан басына шаққанда 357,3 мың теңге немесе бір жыл бұрынғыдан 16,2% артық. Екінші орында Қарағанды облысы: 354,9 мың теңге, 23,1% көбейген. Үздік үштікті Ұлытау облысы жапты: 339,1 мың теңге.
Ең төменгі көрсеткіш Түркістан облысына тиесілі: бар болғаны 163,3 мың теңге – бір жыл бұрынғы көрсеткіштен 23,7% көп.
Шығыс жөнінен Қарағанды облысы көш бастап тұр: жан басына шаққанда шығын 327,3 мың теңге – бір жыл бұрынғы көрсеткіштен 21% көп. Үздік үштікке сондай-ақ Алматы (322,1 мың теңге, 7% көбейген) және Ұлытау облысы (307,4 мың теңге) кіреді.
Еліміздің 20 өңірінің 14-де халықтың ақшалай табысы шығынынан аздап асады. Ең жақсы көрсеткіш Батыс Қазақстан облысында байқалды: мұнда табыс шығыннан 25,6% артық. Сондай-ақ, Қостанай облысы мен Астана да алғашқы үштікке енді: табысы шығысынан тиісінше 24,1% және 18,9% көп.
Қазақстанның 20 өңірінің 6-да керісінше шығыны табысынан асып тұр. Табысы шығынынан 14,8% аз Алматы облысы аутсайдер. Басқа өңірлерде бұл көрсеткіш мынадай: Жетісу облысында табыс шығыннан – 14,5%, Шымкентте – 8,6%, Алматыда – 8,2%, Түркістан облысында – 8%, Жамбылда – 5,2% аз.
Фото: көрнекілік үшін
