Оқи отырыңыз
«Боран» көркем фильмінің ресми көрсетілімі өтті. Фильмнің оқиғасы кеңес заманында, өткен ғасырдың 80-ші жылдарының соңында өрбитін жас жігіттің хикаясын баяндайды, деп хабарлайды 7-su.kz желілік басылымы.
Ақтүтек боранда жігіт шұғыл көрші ауылға аттанып, адасып кеткенде, оны қарт аңшы тауып алады. Үй иелерімен сөйлескеннен кейін жігіт Қытай шекарасынан асып кеткенін түсінеді. Кинокартинаны қаржыландырды. Фильмнің режиссері – «Оралман», «Секер» фильмдеріне режиссерлік еткен Сәбит Құрманбеков.
Бұл фильм сырттағы қандастарымыз жайлы. Өткен ғасырдың 80-ші жылдарындағы кезең бейнеленеді. Жас жігіт малшыларға жем-шөп тасып жүріп, Қытай шекарасына өтіп кетеді. Адасып, қиын жағдайға түседі. Оны шал тауып алып, басын бәйгеге тігіп, құтқарады. Себебі ол кезде шекараны басып өту қылмыс болып есептелетін еді. Бір сөзбен айтқанда, кішкентай оқиға адамгершіліктің, жақсылықтың, ерліктің шекарасы болмайтынын баяндайды. Фильм Жетісу обылысында Көксу, Текелі, Қапал маңайында түсірілген. Бұл оқиға шынайы оқиғаға негізделген. Сол кездерде газет баспаларында осы жігіттің оқиғасы жарыса жазылған. Фильмді Қытайда түсіре алмадық, пандемияға байланысты бара алмадық. Осылайша, үйлері, табиғаты ұқсас Қапал ауылында түсірдік. Менің бұл кезеңді алған себебім – сол кездің адамдарының тұрмыс-тіршілігін, адамгершілік қасиеттерін көрсеткім келді, – дейді Сәбит Құрманбеков.
Киноорталықтың басқарма төрағасының орынбасары Бауыржан Шөкенов қазақ тарихындағы адами құндылықтарға негізделген оқиғаларды баяндайтын фильмнің қазақ көрермендеріне жетуі маңызды екенін атап өтті.
Шын мәнінде, түсірілген әр фильмнің прокатқа шығуы – үлкен жеңіс. Меніңше, біздің кинематографта «жаңа артхаус киносы» пайда болып жатыр. Бүгінгі іс-шарамыз үлкен бастамалардың алды болсын, – деді Бауыржан Шөкенов.
Фильмнің әлемдік премьерасы 2022 жылы XVI Халықаралық «Еуразия» кинофестивалінде өтті.
Мен көптен бері Сәбит Құрманбековпен жұмыс істеуді қалап жүрген едім. Тілегім орындалды. Кастингке келгенде, өзімді жақсы көрсете алдым. Себебі театрдағы О. Бөкейдің «Қар қызы» қойылымындағы Нұржан деген басты кейіпкерді сомдайтын едім. Екеуінің образы бір болды. Дегенмен киноға түсерде қатты толқыдым. Сәбит ағайдың шеберлігінің арқасында бір апта бойымды түсірілім алаңына үйреттім. Фильм 2-3 айдың ішінде түсірілді. Қарды боранда түсірілгендіктен, сол сәтті көрерменге жеткізуге тырыстым. Фильмге сегіз адам қатысты, – дейді басты кейіпкер Мағжан Тұрыс.
Дереккөз: BAQ.KZ.
