Әскери қызметшілер қарттарды мерзімді басылымдарға жаздырды. Бұл туралы Радиоэлектроника және байланыс әскери-инженерлік институтының баспасөз қызметі хабарлады.
Радиоэлектроника және байланыс әскери-инженерлік институтының әскери қызметшілері демеуші болып, қарттарды республикалық және өңірлік мерзімді басылымдарға жазуды ұйымдастырды.
- Аға буын өкілдері мерзімді баспасөз басылымдарының тұрақты оқырмандары екені мәлім. Ол кісілерге қарапайым сыйлық жасауды ұйғардық. Енді қарттар үйінің тұрғындары баспасөз басылымдарын тұрақты түрде алады, - деп атап өтті аталмыш әскери оқу орнының бастығы, генерал-майор Асқар Мұстабеков.
Келесі жартыжылдықтан бастап Алматы қаласындағы арнайы әлеуметтік көмек көрсету орталығының кітапханасына республикалық және өңірлік баспасөз басылымдары келіп тұратын болады.
"ЖЕТІСУ-АҚПАРАТ"
Сурет - ғаламтордан