Оқи отырыңыз
"Қазгидромет" РМК синоптиктері ертең, 14 қаңтарда бірнеше өңірде аяз бен көктайғақ болып, екпіні күші жел соғатынын болжады, деп хабарлайды 7-su.kz желілік басылымы.
Ақтөбе облысында шығыстан, солтүстік-шығыстан жел соғады, облыстың батысында, оңтүстігінде, орталығында екпіні 15-20 м/с жел соғады.
Қызылорда облысында жел шығыстан соғады күші 15-20, екпіні 23-28 м/с.
Атырау облысының оңтүстігінде, шығысында шаңды дауыл болады. Оңтүстік-шығыстан, шығыстан жел соғады, түнде облыстың басым бөлігінде, күндіз облыстың шығысында екпіні 15-20 м/с.
Батыс Қазақстан облысында жел оңтүстік-шығыстан соғады, түнде облыстың батысында, оңтүстігінде, шығысында екпіні 15-20 м/с.
Ұлытау облысының солтүстігінде, оңтүстігінде солтүстік-шығыстан жел соғады, екпіні 15-20 м/с.
Қарағанды облысының оңтүстігінде шығыстан жел соғады, екпіні 15-20 м/с.
Маңғыстау облысының батысында, оңтүстігінде, орталығында көктайғақ болады. Облыстың шығысында шаңды дауыл сақталады. Шығыстан жел соғады, облыстың басым бөлігінде 15-20, облыстың оңтүстік-батысында, шығысында екпіні секундына 23-28 метрге жетеді.
Шығыс Қазақстан облысының солтүстігінде, шығысында 40 градус қатты аяз болады.
Жетісу облысының Алакөл ауданында солтүстік-шығыстан жел соғады, күші 15-20, екпіні 23-28 м/с. Түнде 23-28 градус қатты аяз болады.
Фото: Tengrinews.kz
