Қазақстанның көптеген өңірінде ауа райына байланысты ескерту жарияланды

Бүгін, 28 ақпанда, Қазақстанның 10 облысында ауа райы бұзылады. Осыған байланысты "Қазгидромет" РМК ескерту жасады, деп хабарлайды 7-su.kz желілік басылымы

Синоптиктердің болжамынша, сәрсенбі күні тұман түседі деп күтілуде:

• Ақмола облысының батысында және оңтүстігінде;
• Түркістан облысының оңтүстігінде, таулы және тау бөктеріндегі аймақтарында;
• түнде және таңертең Ұлытау облысының солтүстігінде;
• түнде Павлодар облысының батысында, оңтүстігінде;
• түнде және таңертең Қарағанды облысының батысында;
• Батыс Қазақстан облысының солтүстігінде және Орал қаласында;
• түнде Ақтөбе облысының солтүстігінде, шығысында, сондай-ақ Ақтөбе қаласында;
• Жамбыл облысының оңтүстігінде және таулы аймақтарында.

Сондай-ақ 28 ақпанда таңертең және күндіз Түркістан облысының оңтүстігінде жаңбыр мен қар аралас жауын-шашын күтіледі. Облыстың таулы аймақтарында бұрқасын болады. Облыстың солтүстігінде, таулы аймақтарында желдің жылдамдығы 15-20 м/с дейін жетеді.

Таңертең және күндіз Қызылорда облысының орталығында және шығысында желдің екпіні 15-20 м/с дейін күшейеді.

Сонымен қатар 27 ақпан сағат 21:00-ден 28 ақпан 21:00-ге дейін Өскемен және Риддер қалаларында екінші дәрежелі қолайсыз ауа райы жағдайына байланысты ескерту жарияланады. Жамбыл облысының оңтүстік-батысында, солтүстік-шығысында, таулы аудандарында жел 15-20 м/с дейін жетеді.

Фото: Хабар 24