Оқи отырыңыз
Аймақта әдетке айналған көктемгі, күзгі тазалық айлығын өткізу шаралары елді мекен тұрғындарының санасына «Өзің тұратын мекенді өзің көркейт» деген ұлағатты ұғымды сіңірген сияқты.Мұны күн жылынып, қар кетісімен өз аулаларын күл-қоқыстан тазартып тыпырлап жүрген тұрғындардың тірлігінен де анық байқауға болады.
Бұл үрдіс басқа өңірлерге қарағанда күн ерте жылынатын Панфилов ауданында наурыз айының алғашқы күндерінен бастау алып, көшелердегі қыстай қар астына жасырынған ағаш жапырақтары, басқа да көзге түсе бермейтін қалдықтарды барлық елді мекен тұрғындары сембіліктер өткізіп тазартты.
барысында елді мекендердегі көшелерді тазарту, арықтарды қазу, жолдарды жөндеу, көшеттер отырғызу, күл-қоқыстарды арнаулы орындарға шығару сияқты жұмыстар тыңғылықты жүргізілген. Елді мекендердегі санитарлық тазарту жұмыстарына аудандық қаржы қорынан 7243,0 мың теңге бөлініп, бұл қаржыға жанармай сатып алынып, қалғанын қатты қалдықтар полигонында төсеу жұмыстарына жұмсалды. Қосымша 14395,0 мың теңге бөлініп, бұл қаржы елді мекендерді көгалдандыруға, көркейтуге жұмсалыпты.
Ал Жаркент қаласында қазір аудан орталығындағы барлық мекеме, кәсіпорындар қазметкерлері сенбілікке жиналып, қала әкімі бөліп, бекітіп берген көше иірімдеріндегі күл-қоқыстарды тазартуды жалғастырып келеді. Күл-қоқыстарды қала сыртындағы арнаулы орындарға жеткізуге қалалық коммуналдық шаруашылық пен кәсіпорындардан бөлінген техникалар пайдаланылуда. Осы орайда айта кететін мәселе- жаңа ғана тазартылған жерге көлденең жүргіншілердің қолы қалт етпей қайта қоқыс тастап кететіні - жалпы халықты тазалыққа тәрбиелеу жұмысын жүйелі қолға алуды сұрап тұрғанын аңғартады.
Жаркент қаласы тұрғындарына жазда бау-бақшасын суаратын ағын су жетіспей жатады.Биыл да бұл мәселенің толық шешілуі неғайбыл. Дегенмен қала әкімшілігі таудан келетін су жолын, қала көшелеріндегі арықтарды жөндеп, тазалауға ерекше мән беруде. Сонымен қатар сенбілікке жиналғандар көшедегі, демалыс орындарындағы саялы ағаштарды бұтау мен олардың түбін қопсытып, әктеу жұмыстарын да тыңғылықты атқарды. Қалада көктемгі айлық кезінде жалпы екі мыңнан астам саялы ағаш көшеттері отырғызылды.
Сонымен қатар жылдағыдай аудан орталығының үлкен көшелері мен халық көп жиналатын әлеуметтік мекеме аулаларын, ересектер мен балалар саябақтарын гүлмен көмкеру де қолға алынған.Жаркент қаласының көркіне айналған Таң гүлінен бесқа 16 мыңнан астам әр түрлі гүл көшеттері егіліпті. Биыл 53 гүл өсірілетін үлкен лазон-құмыралар сатып алынып, қала көшелеріне қойылды.
Аудан әкімінің жанында көктемгі елді мекендерді көріктендіру мен көгалдандыру айлығын ұйымдастыратын, бақылайтын арнайы комиссия құрылып, олар атқарылатын жұмыс барысын жіті бақылап отырды.Жаркент қаласында көктемгі тазалық айлығы кезіндегі сембіліктерге жалпы 30 мыңға жуық қала тұрғындары қатысып, 1700 тонна күл-қоқыс арнаулы орындарға тасып шығарылды.
Мырзағали Нұрсейіт
Панфилов ауданы.
Фото: ашық дереккөзден
