Оқи отырыңыз
Талдықорғанда студенттерді 24 миллион теңгеден аса қарызға батырды деген айыппен жатақхана коменданты сотталып жатыр, деп хабарлайды 7-su.kz желілік балымы ҚазАқпарат сайтының дерегіне сүйеніп.
Мәлім етілгендей, 42 жастағы айыпталушы студенттерге заттай да, ақшалай да несие алдыртқан. Іс бойынша 16 адам қарызға белшесінен батқан. Оларға өз аттарына қымбат ұялы телефондар, микроқаржы ұйымдарынан ақша рәсімдеткізген. Жәбірленушілер арасында тек студенттер ғана емес, жатақхананың еден жуушысы, сантехник сынды қарапайым жұмысшылары да бар.
Сотталушы Талдықорғандағы Ілияс Жансүгіров атындағы Жетісу университетінің жатақханасында жұмыс істеген. Оған «Алаяқтық» бабы бойынша айып тағылып отыр. Алғашқы процесс Талдықорған сотында басталды. Прокурор айыптау актісін жарты сағаттан аса оқыды. Сотқа қатысушы студенттер түсірілім жасауға қарсылық білдірді.
