Оқи отырыңыз
Жетісу облысында баланы мотоцикл жүргізушісі қағып, мерт қылды, деп хабарлайды 7-su.kz желілік басылымы ҚазАқпарат ақпаратына сүйеніп.
Қайғылы оқиға 14 маусымда Ескелді ауданында болды.
Ешкіөлмес ауылында 11 жасар қыз баланы спорттық мотоцикл қағып кетті.
Жарақатпен ауруханаға түскен жәбірленуші аудандық аурухананың жансақтау бөлімінде есін жимай көз жұмды.
«Жол-көлік оқиғасынан 38 жастағы мотоцикл жүргізушісінің өзі де қатты зардап шекті. Бұл факті бойынша сотқа дейінгі тергеу амалдары басталды және ерекше бақылауға алынды»,- делінген Жетісу облыстық полиция департаменті баспасөз қызметінің хабарламасында.
Сонымен қатар, полицейлер осындай қайғылы оқиғалардың алдын алу үшін азаматтарды жол ережесін мүлтіксіз сақтауға шақырады.
Автокөлікті/мотоциклді басқару кезінде мұқият және сақ болуды еске салады.
